حكايه استاذنا الفاضل والحكووووومه

سلام عليكم يا جماعه
بما ان ده اول موضوع ليا هنا بجد مش عارفه اكتب عن ايه
بس بقى الى هنا صحابى وانتم عارفين انى فى ثانويه عامه يعنى فى مدرسه حكووووووووووومى انا هلخص واجيب من الاّخر
دلوقتى ياجماعه كان عندى ندوه فى المدرسه بقى وصاحبتكم عاوزه تزوغ تروح عالندوه دى كانت بعنوان الولاء والانتماء
هتقولى حاجه فل عالاّخر مدارسنا اطورت وبتعمل ندوات
اطورت وبتعمل ندوات ياحلاوه يا ولاد
جه استاذنا الفاضل ياجماعه مصر بلد عظيمه جدا واحنا اكتر دوله فيها أمان فى العالم والناس عايشه ومرتاحه والحكومه فله ومظبطانا والعيال قاعده الى هو احنا كده
قمت انا بقى عملت الشجاعه يا استاذ ازاى ده البلد فيها كذا وكذا وكذا والحكووومه كذا.......
جه استاذنا الفاضل كدهو ياجماعه
كل مانجيب سيره الحكومه يغير الموضوع ياجماعه هتجنن احنا مش بنتكلم عالوطن طب ليه بيغير الموضوع
بصوا بقى ده كان الفصل الاول فى المدرسه
اقولكم بقى فى الدرس حصل ايه
الاستاذ ياعينى انطلق اه ماحنا فى بيته بقى دى الحكومه بيها والى عليها بالذمه ده تعليم شوفتوا الدراسه فى اوربا ازاى
ولا احنا هنا عايشيين شوفتو كذا وكذا وكذا وشويه وهدى لوحده
قال الحيطان لها ودااااااان انا ماقولتش حاجه نسمات الى قالت وكلكم شاهدييين

ياحببتى وقلبى يانونتى انتى لسه فى سنه اولى عدى السنه على خير واهدى شويه حكومتنا دى نوكومنت ياماما خلينا هنا احسن

والله جامد اوى تسلمى يا قمر وتقبلى مرورى


هههههههههههههههههههههههههههه

ميرسى على مررورك يا جانا بس انتى عارفه ياختى ان صاحبتك دمها حامى شويتتتين وبعدين يرضيكى كده بقى الاستاذ يقول كده واسيبه يعنى عيب عليكى
مشكور يارامبو على مرورك

ثانكس يا عثل

ههههههههههههههههههههههههههههه
ههههههههههههههههههههههههههههه

حقيقى برفو عليكى يا شجاعه اة يا بلد

الكل خايف ولا حد بينطق يابنتى الكل بيقول

اهى عيشه والسلام اموت وافهم هى فين بس العيشه

والسلام حتى والناس جعانه وفى كوارث يلاة ربنا يهدى

الحال والله الناس غلبانه وحتى الانفاس بتخاف تطلعها

حقيقى موضيعك شيقه واسلوبك رئع يا قلبى

فنتظار المزيد ياقمر

واللة خايف عليكى ياقمر

ميرسى يانهى ياحببتى فعلا احنا عايشيين فى خوف وبنتنفس رعب بس لازم نقول كلمه حق كفايه بقى ومشكور على مرورك يا أسوانى ومتخافش ده احنا جدعان اوى

لا انا لازم اشوف ازاى بقى الاستاذ ده قال كده على اختى
متمسكنيش يا نسمات بقى وسبينى اتصرف انا معاه يوه يا نسمات مسكتينى برضو طيب هسيبه علشان خاطرك المراضى
انما على راى طفله عدى السنادى وخلى ربنا يسترها معاكى وان كان على الحكومه انا هخليهم يعجبوكى ههههههههههه بس فى الاحلام
موضوع جميل تقبلى مرورى

ميرسى على مرورك NOCOMENT وحتى فى الأحلام مش هتعجبنى بردو مبحلمش أصلا

ههههههههههههههههههههههههههههههههههههههههههههههههههههههههههههههههههههههههههههههههههههههههههه
بجد انتى شجاعه اوى
طلعتى شجاعه عن الاستاذ
طب استخبى يومين كده احسن يمسكوكى

مشكور على مرورك يا أحمد ومتقلقش مش بستخبى انا ليا الشرف انى اتمسك عشان كلمه حق

ياجامد انت انا عارفه يا نسمات او محد هيجى هتستخبى تحت السرير

ههههههههههههه حقيقى ربنا يكرمك ويكملك بعقليك ايوة كدة

كفايه سكوت هننفجر بجد اهو نتنفس حبه دة حتى الحلم معدش

عندنا امل نحلمو ياجدعان ربنا يقوينا ويقوى الجيال القادمه

دول بقى هيتخرصو حتى فى احلمهم هينسوها يا امى

لا يا نهى ياحببتى لا بستخبى تحت سرير ولا ورا دولاب حتى أقسملك بالله يانهى أنا وقعت فى اديهم مره ومخوفتش ابدا بس اما الظابط الحقير ضربنى بالألم والمخبرين حواليا بصراحه خوفت وسكت بس تعرفى ده كان من كام سنه بس نفسى الموقف ده يرجع تانى عارفه هردله الألم ألمين ولو كل الظباط والمخبرين والشياطين الى فى الدنيا وقفوا حواليا مش هخاف ابدا لأنى لازم أحارب عشان حقى ياما اعيش بكرامه ياما أموت بكرامه وبعدين أفضل الجهاد كلمه حق فى وجه سلطان جائر